“შემოვლენ პარლამენტში დაზიანებულები იქნებიან, იმიტომ რომ პრინციპს უღალატებენ, არ შემოვლენ – უკვე მარგინალიზაციას დაიწყებენ” – გურამ მაჭარაშვილი “ნაციონალურ მოძრაობაზე”

საპარლამენტო უმრავლესობის წევრი, გურამ მაჭარაშვილი ჟურნალისტებთან კომენტარში აღნიშნავს, რომ პარლამენტში “ნაციონალური მოძრაობის” პარლამენტში შესვლა/არშესვლის საკითხი დამოკიდებულია ერთ ადამიანზე, ხოლო ნიკა მელიას კიევიდან “ხელცარიელი” ჩამოსვლა, “ქართული ოცნების” წევრის აზრით, პოლიტიკური ორგანიზაციის გაკოტრებაზე მიუთითებს:

“ჩვენი ინტერესის სფეროს ნამდვილად არ წარმოადგენს ნაციონალური მოძრაობის გადაწყვეტილება, რადგან მათ თავიანთი გადაწყვეტილება უკვე მიიღეს. ისინი შემოვლენ თუ არ შემოვლენ პარლამენტში დამოკიდებულია მხოლოდ ერთ ადამიანზე.

ის, რომ ნიკა მელია ხელცარიელი ჩამოვიდა კიევიდან, ზუსტად იმას მიუთითებს, რომ ეს პოლიტიკური ორგანიზაცია უკვე გაკოტრების რეჟიმშია, აქედან გამომდინარე ეს მხოლოდ მათი გადასაწყვეტია.

შემოვლენ პარლამენტში დაზიანებულები იქნებიან, იმიტომ, რომ პრინციპს უღალატებენ, არ შემოვლენ უკვე მარგინალიზაციას დაიწყებენ“, – განაცხადა გურამ მაჭარაშვილმა.

ავტორი
სალომე მჭედლიძე