“ერთიანი ნაციონალური მოძრაობის” ერთ-ერთი ლიდერი, ხატია დეკანოიძე, დმანისში განვითარებულ მოვლენებზე ჟურნალისტებთან საუბრისას აღნიშნავს, რომ გუშინდელი გავრცელებული კადრების შემდეგ შსს-ს და ხელისუფლებას არ განუხორციელებია სათანადო რეაგირება:
“გუშინდელი პირდაპირ ეთერში საჯაროდ გასული კადრების შემდეგ, შსს-ს და ხელისუფლებას არ გამოუხატავს არანაირი პოზიცია. ეს არის სწორედ ის ძალზედ მძიმე შემაშფოთებელი ფაქტი, რომელიც პირდაპირ არის ძალადობა, ჯგუფური ძალადობის დაგეგმვა, ადამიანებზე ანგარიშსწორება, სხეულის მძიმე დაზიანებების მიყენება, რაც გულისხმობს იმას, რომ იდენტიფიცირებული პირები დაუყოვნებლივ უნდა გადაეცეს სისხლის სამართლის მართლმსაჯულებას“, – განაცხადა ხატია დეკანოიძემ.
ინფორმაციისთვის: კონფლიქტის მიზეზი 16 მაისს დმანისში ადგილობრივ მაცხოვრებებს შორის მომხდარი დაპირისპირებაა.
ავტორი
თეკლა თოდუა
