,,სტრატეგია აღმაშენებლის” პოლიტსაბჭოს წევრი, სერგო ჩიხლაძე პანდემიის რისკებთან დაკავშირებით საუბრობს და ხელისუფლების მხრიდან არასერიოზულ მიდგომებზე ამახვილებს ყურადღებას. ოპოზიციონერი ლიდერი აღნიშნავს, რომ სანამ ქვეყანაში საჭირო დოზის ვაქცინებს არ შემოიტანენ, მხოლოდ შეზღუდვები ეპიდსიტუაციას ვერ შეამცირებს:
,,ასეთი მართვის პირობებში, რა თქმა უნდა, შეიძლება გაიზარდოს ინფიცირებულთა რიცხვი. იმიტომ, რომ ისევ და ისევ, ვებრძვით კორონავირუსს არა ვაქცინით, არა ჯანდაცვის სისტემის გაძლიერებით, არამედ სახელმწიფო, ჯანდაცვის სამინისტრო და მთავრობა ებრძვის ამ ვირუსს მხოლოდ შეზღუდვებით, კომენდატის საათით, ტრანსპორტის გაჩერებით და ახლა კიდევ დაემატა სასწაული ქუჩების მორეცხვით.
რა თქმა უნდა, სანამ მხოლოდ კომენდატის საათით და ქუჩების მორეცხვით ვებრძვით კორონას, 2000 შემთხვევაც იქნება და სამწუხაროდ, მეტიც.
450-500 ათასი ვაქცინა უნდა შემოდიოდეს ყოვეთვიურად. სად არის ეს ვაქცინები?
სანამ ეს პროცესი არ აეწყობა მანამდე ვიქნებით აი ასეთი არასერიოზული ღონისძიებების ამარა“,-განაცხადა სერგო ჩიხლაძემ.
ავტორი
ნინი ხიჯაკაძე
