ოპოზიციამ დღეს წარადგინა ,,ქართული ოცნების” ამნისტიის კანონპროექტის ალტერნატიული ვერსია. ამ საკითხთან დაკავშირებით განმარტებებს აკეთებს ,,სტრატეგია აღმაშენებლის” გენერალური მდივანი პაატა მანჯგალაძე. ოპოზიციონერი დეპუტატი იმედოვნებს, რომ საბოლოო ჯამში გამარჯვებას ოპოზიციის კანონპროექტი მოიპოვებს:
,,ჩვენ ვაპირებთ ფართო საზოგადოებრივ ჩართულობას, განხილვების მოწყობას პირველი მოსმენის წინ და პირველი მოსმენის შემდეგ.
მე მჯერა, რომ ჩვენი კანონპროექტი მოიპოვებს საზოგადოების მხარდაჭერას და ,,ქართული ოცნება” წესით იძულებული გახდება, რომ მხარი დაუჭიროს ჩვენს ვერსიას.
პირველი მოსმენის განხილვამდე, პირველი მოსმენის განხილვის დროს შესაძლებელია კიდევ ერთხელ შევეცდებით, რომ შევათანხმოთ პოზიციები, თუ შეთანხმება არ მოხდება არ არის ტრაგედია. ,,ქართულ ოცნებას” შეუძლია მისი პასუხისმგებლობის ქვეშ მიიღოს აღნიშნული კანონპროექტი“, – განაცხადა პაატა მანჯგალაძემ.
ავტორი
ნინი ხიჯაკაძე
