არჩილ ტატუნაშვილს დღეს 38 წელი შეუსრულდებოდა. 2018 წლის 22 თებერვალს საოკუპაციო რეჟიმმა ახალგორში უკანონოდ დააკავა და აწამა. მეორე დღეს კი ცნობილი გახდა, რომ არჩილ ტატუნაშვილი გარდაიცვალა. შვილის საფლავზე იყო ასული და ჟურნალისტებთან კომენტარი გააკეთა რუსუდან ტატუნაშვილმა, რომელმაც აღნიშნა, რომ ეამაყება აჩიკო ტატუნაშვილს დედობა:
„ოცდათვრამეტი წლის გახდებოდა დღეს აჩიკო. ძალიან უყვარდა თავისი დაბადების დღე, ყოველთვის აღნიშნავდა.
მე ყოველთვის სიამაყით ვამბობდი, რომ აჩიკოს დედა ვიყავი და კიდევაც ვიტყვი, რომ მე აჩიკოს დედა ვარ, რადგან გმირი შვილი გამიზრდია. ოკუპანტები მკვლელებს აჯილდოვებენ თუ ქართველს ვინმეს მოკლავენ და ჩემი შვილის მკვლელებს არ დასჯიან…
ჩვენ საკუთარ ოჯახებშიც არ გვიშვებენ, ამის გულისთვის გვსჯიან, კლავენ ჩვენ შვილებს, თვითონ აქ ჩამოდიან საქეიფოდ და დროსატარებლად… რა რეაქცია უნდა მქონოდა, რა თქმა უნდა, ძალიან გავნერვიულდი,“ – განაცხადა რუსუდან ტატუნაშვილმა.
ავტორი
ანა თეზელაშვილი
