“ის ადამიანები, რომლებმაც ეს “შაბაში” მოაწყვეს ყურადღების ღირსნი არ არიან” – ვლადიმერ პოზნერი

რუსი ჟურნალისტი ვლადიმერ პოზნერი საკუთარ ვებ-გვერდზე მცირე კომენტარს აკეთებს თბილისში მისი ვიზიტის ირგვლივ განვითარებული მოვლენების შესახებ. ის განცხადებაში ჟურნალისტებს მიმართავს და განმარტავს, თუ რატომ არ თანხმდება მათ ინტერვიუზე. ვლადიმერ პოზნერის თქმით, ის ადამიანები, რომლებმაც ეს “შაბაში” მოაწყვეს ყურადღების ღირსნი არ არიან:

,,ძვირფასო კოლეგებო! მსურს აგიხსნათ, რატომ არ მოგეცით არც ერთ თქვენგანს კომენტარი იმასთან დაკავშირებით, რაც თბილისში მოხდა, არ მიმიღია არავის მოწვევა გადაცემაში მისვლის შესახებ.

ახსნა მარტივია და როგორც მე მგონია, აშკარაც: ის ადამიანები, რომლებმაც მოაწყვეს ეს შაბაში, ყურადღების ღირსნი არ არიან. დიდი პატივია. ამიტომაც ვარ ჩუმად და ვიქნები.

თქვენი ვლადიმერი’’, – წერს ვლადიმერ პოზნერი.

შეგახსენებთ, რომ რუსეთის ,,პირველი არხის’’ ტელეწამყვანი ვლადიმერ პოზნერი 1 აპრილს, თბილისში მეგობრებთან ერთად დაბადების დღის აღნიშვნას გეგმავდა. რუსი ტელეწამყვანის ვიზიტს სამოქალაქო აქტივისტებისა და ოპოზიციური პარტიების ლიდერების მხრიდან პროტესტი მოჰყვა. სწორედ ამიტომ პოზნერმა და მისმა მეგობრებმა საქართველო დაგეგმილზე ადრე დატოვეს.

ავტორი
ნინო დავითაძე