ჯანდაცვის მინისტრი ქვეყანაში “ფაიზერის” ვაქცინის შემოსვლის თაობაზე საუბრობს და აცხადებს, რომ იგი ხელმისაწვდომი იქნება ექიმებისა და საკოორდინაციო საბჭოს მიერ განსაზღვრულ პირებისთვის:
“საქართველოში ხვალ უნდა შემოვიდეს “ფაიზერის” ვაქცინა, შესაბამისად მისი ტრანსპორტირება მოხდება დაავადებათა კონტროლოს ცენტრის პირველ ლოკაციაზე, შემდეგ გადანაწილდება ყველა იმ ცენტრში, სადაც გაგრძელდება “ფაიზერით” ვაქცინირება. ვაქცინა ხელმისაწვდომი იქნება როგორც სამედიცინო პერსონალისთვის, ასევე ყველა იმ დაშვებული ჯგუფისთვის, რომელიც საკოორდინაციო საბჭოს მიერ იქნა დადგენილი.
მესამე ტალღა მოსალოდნელია და ყველა ის ნიშნული, რომელიც დღესდღეობით არის მომატებული, ჩვენ გვაძლევს იმის ეჭვს და საფუძველს, რომ მნიშვნელოვნად უნდა გამკაცრდეს ყველა ის ღონისძიება, რომელიც, დღესდღეობით, მოსახლეობისთვის არის ცნობილი. ამაში მე ვგულისხმობ, პირველ რიგში, პირბადეების გამოყენებას, სოციალურ დისტანცირებას და პირად ჰიგიენას,“ – აცხადებს ეკატერინე ტიკარაძე.
