“მოლოდინი არის პოზიტიური იმიტომ, რომ ორივე მხარე მზად ვართ მოვილაპარაკოთ” – სერგო ჩიხლაძე

,,სტრატეგია აღმაშენებლის” პოლიტიკური საბჭოს წევრმა სერგო ჩიხლაძე ევროკავშირის სპეციალური წარმომადგენლის მონაწილეობით დაგეგმილი მოლაპარაკებებიდან პოზიტიური მოლოდინი აქვს და მიაჩნია შეთანხმება რომ შედგეს, აუცილებელია ყველა მხრიდან გარკვეული კომპრომისები:

,,მოლოდინი არის პოზიტიური, პირდაპირ გეტყვით, იმიტომ რომ ორივე მხარემ ოპოზიციამაც, ხელისუფლებამაც ყველამ განვაცხადეთ, რომ მზად ვართ ვისაუბროთ, მზად ვართ მოვილაპარაკოთ. ყოველ შემთხვევაში დეკლარირებულად ,,ქართული ოცნებაც” ამას აცხადებს.

მე ვფიქრობ, რომ ექვსივე საკითხზე ძალიან პროდუქტიული დიალოგი შედგება მომდევნო 2 დღის განმავლობაში.

,,ქართული ოცნებისგან” მართალია, არის ხისტი განცხადებები, რაღაცას დათმობენ/არ დათმობენ. მიუხედავად ამისა ვფიქრობ, რომ ისინი იძულებულები იქნებიან წამოვიდნენ, რა თქმა უნდა, კომპრომისზე და ოპოზიციაც მზად არის გარკვეული კომპრომისებისთვის“, – განაცხადა სერგო ჩიხლაძემ.

ავტორი
ნინი ხიჯაკაძე