“არ მივცემთ საშუალებას, რომ ქართული რაგბი, მორაგბეები დაიმონონ” – ირაკლი აბუსერიძე

საქართველოს რაგბის კავშირის პრეზიდენტობის კანდიდატმა, ირაკლი აბუსერიძემ (რომელიც ერთხელ უკვე აირჩიეს პრეზიდენტად, მაგრამ შედეგები არ დაამტკიცა საჯარო რეეტრმა) დღეს გამართულ პრესკონფერენციაზე აღნიშნა, რომ საკუთარი ნების გამოხატვა უკვე ჩარჩოებშია მოქცეული. მისი განცხადებით არავის მისცემენ საშუალებას, რომ ქართული რაგბი დაიმონოს:

,,სამართალი ვერ ვიპოვეთ, პირდაპირ გეტყვით იმიტომ, რომ აქ მიდის ხელების გრეხვა, რათა შენი ნება გამოხატო იმ ადამიანის მიმართ, რომელმაც 4 წელი უნდა უხელმძღვანელოს ქართულ რაგბს, მის პროგრამაზე, განვითარების ხედვაზე.

სარჩელთან დაკავშირებით საპირისპირო ხდება. შევიტანეთ ადმინისტრაციული სარჩელი და გადავიდა სამოქალაქოში, რაც გულდასაწყვეტია და უკვე ნათელია ყველაფერი. რაც შეეხება შემდგომ ნაბიჯებს, ჩვენ გავაგრძელებთ სიმართლისათვის ბრძოლას.

კიდევ ერთხელ ვიმეორებ – არ მივცემთ საშუალებას, რომ ქართული რაგბი, მორაგბეები დაიმონონ“, – განაცხადა ირაკლი აბუსერიძემ.

ავტორი
ნინი ხიჯაკაძე