,,სტრატეგია აღმაშენებლის” გენერალურმა მდივანმა, პაატა მანჯგალაძემ ,,ლეიბორსიტული პარტიის” ოფისში ოპოზიციური პარტიების ლიდერების შეხვედრის შემდეგ აღნიშნა, რომ ქვეყანა არის ძალიან მძიმე პოლიტიკურ კრიზისში და აუცილებელია დაუყოვნებლივ განმუხტვა:
,,ჩანაწერში იკვეთება მრავალ დანაშაულთა ერთობლიობა. ეხლა გამოძიებამ უნდა დაადგინოს ეს დანაშაული თუ იყო სისტემური, რა მასშტაბით და რამდენჯერად განხორციელდა. ეს არის ძალიან მნიშვნელოვანი.
რაც შეეხება მოლაპარაკების პროცესს, მას ხელი არ უნდა შეეშალოს, ვინაიდან ქვეყანაში არის ძალიან მძიმე პოლიტიკური კრიზისი. მაღალი პოლიტიკური ტურბურენცია ზრდის დაპირისპირების რისკებს და აუცილებელია მალე განვმუხტოთ ეს პოლიტიკური კრიზისი. დღეს ყველა ღარიბაშვილია ,,ქართულ ოცნებაში”. ჩვენთვის კი მთავარია შედეგი, მთავარია საზოგადოება დარჩეს მოგებული და ამიტომ მზად ვართ ჩავერთოთ მოლაპარაკების პროცესში”, – განაცხადა პაატა მანჯგალაძემ.
ავტორი
ნინი ხიჯაკაძე
