ოპოზიციასთან დამოკიდებულების თაობაზე პარლამენტში დასმულ შეკითხვას პასუხობს პრემიერ-მინისტრობის კანდიდატი ირაკლი ღარიბაშვილი და აცხადებს, რომ ის არა ოპოზიციას, არამედ იმ ადამიანებს ებრძვის, ვინც გამოუსწორებელი ზიანი მიაყენა საქართველოს:
,,მე ოპოზიციას კი არ ვებრძვი, მე ვებრძვი იმ ადამიანებს, ვინც უზარმაზარი ზიანი, გამოუსწორებელი ზიანი მიაყენა ჩვენს სახელმწიფოს. ვინც ტერიტორიები დაგვაკარგვინა, ვინც გაყიდა ჩვენი ისტორიული მიწები, ვინც ასიათასობით ჩვენს მოქალაქეს პატივი, ღირსება, ნამუსი აჰყარა, გაასამართლა, ვინც ბიზნესები დაანგრია, ვინც აწამა და დატანჯა ჩვენი მოსახლეობა. აი ამ ხალხს ვებრძვი. და ყველაფერს გავაკეთებ, რომ მე – რიგითი პოლიტიკოსი და რიგითი მოქალაქე, რომ ასეთი ანტისახელმწიფოებრივი, ჩვენი ქვეყნის მტრები ვერასოდეს ვეღარ დაბრუნდნენ ხელისუფლებაში.
თქვენ თუ ამ განსხვავებას ვერ ხედავთ, მაშინ არ ვიცი რაზე უნდა გესაუბროთ. როდის დაინახეთ, რომ მე ოპოზიციას ვებრძოდი? ასეთი განზოგადებული კითხვა საერთოდ საიდან მოგდით ეს აზრი. თქვენ აყოლილი ხართ ნაც. მოძრაობის ამ ნარატივს, რომ გუშინ და დღეს ვერ ჩამოყალიბდნენ. და ასე ვთქვათ უნდა დავაზუსტოთ, რომ მე ვებრძვი ჩვენი ქვეყნის მტრებს. როგორც შიდა მტრებს, ისე გარე მტრებს. აი ეს არის ჩემი პასუხი. მომიყვანეთ ერთი კონკრეტული მაგალითი, თუ მე, ასე ვთქვათ, მიუკერძოებელი რაღაც ისეთი პოზიცია დავაფიქსირე განსხვავებული აზრის მქონე ადამიანების მიმართ.
მე მაქვს ჩემი მკაფიო პოზიცია, ამ პოზიციას მე ვერ შემაცვლევინებს ვერავინ. იმიტომ, რომ ამ ადამიანებთან როგორ შეიძლება, ნორმალურმა სახელმწიფოებრივად მოაზროვნე ადამიანმა ისაუბროს. თქვენ იდექით მათთან ერთად და კარგია, რომ გამოეცალეთ და კარგია, რომ დისტანცირება მოახერხეთ“, – განაცხადა ირაკლი ღარიბაშვილმა.
ავტორი
ნინი ხიჯაკაძე
