სხვადასხვა ბიზნეს სფეროში, მათ შორის სარესტორნოში შექმნილ მძიმე მდგომარეობასთან დაკავშირებით გამოთქვამს წუხილს დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელი, ამირან გამყრელიძე, თუმცა ამ ეტაპზე მიუღებლად მიაჩნია მათი გახსნა:
“გავიარეთ ძალიან მძიმე მე-2 ტალღა, ძალიან მძიმე. არ ვისურვებდი, რომ ჩემმა ქვეყანამ ამ მასშტაბის კიდევ მე-3 ტალღა გაიაროს. ამიტომ, მიუხედავად იმისა, რომ ჩვენთან ახლა სიტუაცია სტაბილიზირება და ყველა მაჩვენებელი მცირდება, ასევე მე მესმის რესტორნების, შევდივარ მათ მდგომარეობაში, სოლიდარული ვარ მათი – რესტორნების, სხვადასხვა ბიზნესის, სამთო კურორტების, ყველასი, მაგრამ ჩვენ რომ ყველაფერი ახლა ერთბაშად გავხსნათ ყვეყანაში, იგივე იქნება, რაც ნოემბერ-დეკემბერში გვქონდა. არ ვისურვებდი ამას და ვერავითარ შემთხვევაში მხარს ვერ დავუჭერ. თანდათან, რა თქმა უნდა, რესტორნებიც გაიხსნება, გარკვეული პერიოდის შემდეგ,” – განაცხადა ამირან გამყრელიძემ.
