1 თებერვლის მოახლოებას მოუთმენლად ელოდებიან მთელი ქვეყნის მასშტაბით. დიდი ინტერესია, თუ როდის აღდგება საზოგადოებრივი ტრანსპორტის მოძრაობა და ბიზნესის რომელი სფერო გაიხსნება რა რეგულაციებით. აღნიშნულ საკითხებთან დაკავშირებით ჟურნალისტებთან განმარტებები გააკეთა ჯანდაცვის მინისტრმა, ეკატერინე ტიკარაძემ:
“ამ ეტაპზე ვმუშაობათ ბიზნესთან და ვინაიდან ჩვენთვის იყო საკმაოდ კარგი გამოცდილება, რომელიც საახალწლო გახსნისას გვქონდა. ამ პერიოდში ჩვენ ვაკვირდებოდით, თუ რამდენად ეფექტურები ვიყავით აღნიშნული გახსნის პერიოდში და შევძელით აღგვესრულებინა ყველა ის დადგენილი მოთხოვნა, რომელიც უზრუნველყოფს ინფექციის შეკავებას და არგავრცელებას სავაჭრო ობიექტებში. ჩვენ დავხვეწეთ მიდგომები, გვაქვს კომუნიკაცია, რომ კიდევ უფრო მეტად დაცული გავხადოთ სავაჭრო ქსელი და ეკონომიკის გახსნის პერიოდში პირველად სავაჭრო ქსელი გავხსნათ.
1 თებერვლისთვის ჩვენ ვგეგმავთ, რომ გაიხსნება სავაჭრო ქსელები და მოლები. ამის შემდეგ გვექნება შეხვედრები ბიზნესის სხვა წარმომადგენლებთან, სადაც იგივე ფორმატს გადავიტანთ, რომელიც წარმატებული იქნება სავაჭრო ქსელებში. კონკრეტულად, აღდგება თუ არა საზოგადოებრივი ტრანსპორტი, ამაზე ჩვენ იანვრის ბოლოს ვიმსჯელებთ, როდესაც გვექნება უფრო მეტი სიცხადე, თუ რა რეგულაციებს დავაწესებთ კონკრეტულად,” – განაცხადა ეკატერინე ტიკარაძემ
