ტელეკომპანია “მთავარი არხის” გენერალური დირექტორი სოციალურ ქსელში თავის პოზიციას აფიქსირებს “ქართული ოცნების” თავმჯდომარის ბიძინა ივანიშვილისთვის საფრანგეთის საპატიო ლეგიონის კავალერის ტიტულის მინიჭებასთან დაკავშირებით:
“რაც შეეხება ივანიშვილის ორდენს:
ეს სამარცხვინო კაცი, საფრანგეთს უხდის ფულს (ქართველი ხალხისგან მოპარულს, ძვირფასო მეგობარო ფრანგებო) კოვიდის წინააღმდეგ გამოსაყენებლად და ამ დროს, საქართველო სრულიად გააპარტახა, მათ შორის, მსოფლიოში ყველაზე უარესი კოვიდ სტატისტიკით.
გაჭირვებული ქართველების პანდემიაზე მოროდიორობს, ხალხი მიუხედავობით იხოცება და ეს კოვიდ ტენდერებით მდიდრდება, პარალელურად კი მდიდარ ფრანგებს კოვიდ ფონდებს უფინანსებს, ჩინმედლებით გულმკერდის დასამშვენებლად.
ღარიბს ართმევს, მდიდარს აძლევს – ესაა ამ ორდენის მთელი ანატომია.
ქურდი, უზურპატორი და ნაძირალაა ეგ თქვენი საპატიო ლეგიონის კავალერი. ასეა ეს,” – წერს ნიკა გვარამია ფეისბუქის პირად გვერდზე.
