საქართველოს მესამე პრეზიდენტი, მიხეილ სააკაშვილი სოციალურ ქსელში წერს, რომ მთავარი არა მისი როლის შეფასება, არამედ გაყალბებული არჩევნების გაუქმების მოთხოვნაა, იგი აღნიშნავს იმ ფაქტსაც, რომ არავისთვის არ აპირებ კაბინეტის წართმევას.
‘‘მეგობრებო, ახლა ჩემი როლის შეფასება და ჩემზე საუბარი არ არის მთავარი თემა, მთავარი თემა არის ერთიანობა, გაყალბებული არჩევნების შედეგების გაუქმების მოთხოვნით. ამიტომ, მოდით ჩემზე დებატებს თავის დავანებოთ და მივხედოთ მთავარ თემას. მთავარი თემის გადაწყვეტის შემდეგ, ქართველი ხალხი ყველას თვითონ მიუჩენს თავის ადგილს. მე საერთოდ ეჭვი არ მეპარება მის სამართლიანობაში.
რაც შემეხება მე, არ გამაჩნია ცალკე აღებული არანაირი ამბიციები და არ ვაპირებ არავისთვის არც კაბინეტის წართმევას და არც თანამდებობის’’, – წერს მიხეილ სააკაშვილი ფეისბუქის საკუთარ გვერდზე.
ავტორი
ანა რობაქიძე
