თბილისის მერმა, კახა კალაძემ ‘‘ქართული ოცნების’’ ოფისში გამართულ ბრიფინგზე მადლობა გადაუხადა სამართალდამცველებს მობილიზებისთვის და აღნიშნა, რომ ის რაც მოხდა ცესკოს შენობასთან არ იყო სასიამოვნო ფაქტი:
“მინდა, მადლობა გადავუხადო სამართალდამცველებს, რომ იმოქმედეს სიფრთხილით და კონსტიტუციურ ინსტიტუტზე თავდასხმის მოგერიება შეძლეს მაქსიმალურად რბილი ძალის გამოყენებით.
ჩვენ შეიძლება გვქონდეს სხვადასხვა პოლიტიკური შეხედულებები, შეიძლება წარმოვადგენდეთ სხვადასხვა პოლიტიკურ პარტიებს, ვიყოთ სხვადასხვა პლატფორმებზე, მაგრამ ყველამ მინდა გაითვალისწინოს, რომ ჩვენ გვაქვს ერთი სამშობლო.
არავისთვის არ არის სასიამოვნო საყურებელი, როგორ ესვრიან პოლიციელებს ქვებს, მომიტინგეები, როგორ ცდილობენ პოლიციის კორდონის გარღვევას და ცეესკოს შენობაში შეჭრას და არც ის არ არის სასიამოვნო, რომ პოლიცია იძულებული ხდება მომიტინგეთა თავდასხმა წყლის ჭავლით მოიგერიოს’’, – განაცხადა კახა კალაძემ.
ავტორი
ანა რობაქიძე
