დადასტურებული კოვიდ19-ით სამი ახალი პაციენტი შეიყვანეს ქუთაისის ინფექციურ კლინიკაში. ინფიცირებულები მესტიიდან გადმოიყვანეს და ისინი ლენჯერის კლასტერს მიეკუთვნებიან:
“ახალი პაციენტები უკვე მწოლიარე პაციენტების ოჯახის წევრები არიან. მათი ჯანმრთელობის მდგომარეობა დამაკმაყოფილებელია და შესაბამისი კვლევები უტარდებათ,” – განაცხადა თეიმურაზ ნადირაძემ.
ჯამში, “ელჯი და კომპანიაში” 21 პაციენტი მკურნალობს. მათგან 8 არასრულწლოვანია, ხოლო 13 მოზრდილი. 6 მათგანს პნევმონია აღენიშნება.
ლიკა დევდარიანი
სააგენტო “პარალელის”
რეგიონალური კორესპონდენტი
