მსოფლიო კვლავ უშედეგოდ ებრძვის კორონავირუსის პანდემიას. 216 ქვეყნის მონაცემით სულ ინფიცირების 21,938,207 შემთხვევაა დადასტურებული. ვირუსს უკვე ემსხვერპლა 784,875 ადამიანის სიცოცხლე და გამოჯანმრთელდა 15,070,314 ადამიანი.
რეიტინგში პირველ ადგილს კვლავ ამერიკის შეერთებული შტატები იკავებს. ქვეყანაში ინფიცირების 5,393,138 შემთხვევა დადასტურდა, გარდაიცვალა 169,508 და გამოჯანმრთელდა 3,001,577 მოქალაქე.
კვლავ ვირუსის გავრცელების ეპიცენტრია ლათინური ამერიკა და კონტინენტზე მდებარე ქვეყანა ბრაზილია. სამხრეთ ამერიკის ამ ქვეყანაში კორონავირუსით ინფიცირების 3,359,570 შემთხვევა დადასტურდა, გარდაიცვალა 108,536 და გამოჯანმრთელდა 2,544,179 ადამიანი.
216 ქვეყანას შორის, რეიტინგში მე-3 ადგილს ინდოეთი იკავებს. რამდენიმე თვიანი წარმატებული ბრძოლის შემდეგ, ასევე ხელისუფლების მკაფიო და ძალადობრივი ქმედებების მიუხედავად ინდოეთმა ვერ შეძლო ვირუსის შეკავება. ქვეყანაში ვირუსით ინფიცირების 2,767,273 შემთხვევა დადასტურდა, გარდაიცვალა 52,889 ადამიანი, გამოჯანმრთელდა – 2,038,709.
მე-4 ადგილს მეზობელი რუსეთის ფედერაცია იკავებს. ოკუპანტი ქვეყნის ტერიტორიაზე არაოფიციალურად ვირუსით ინფიცირების 932,493 შემთხვევა დადასტურდა, გარდაიცვალა 15,872 და გამოჯანმრთელდა 749,423 ადამიანი.
მსოფლიო ქვეყნებს შორის მე-5 ადგილზეა სამხრეთ აფრიკის რესპუბლიკა. რესპუბლიკაში კორონავირუსით ინფიცირების 589,886 შემთხვევა დადასტურდა და გარდაიცვალა 11,982 მოქალაქე.
ავტორი
მახო ზავრაშვილი
