პარტია “თავისუფალი საქართველოს” თანათავმჯდომარე გოგი წულაიამ მორიგი პერფორმანსი ქუთაისის ახალ საერთაშორისო უნივერსიტეტთან გამართა. მისი თქმით, იქ, სადაც სექტემბრიდან სტუდენტებმა უნდა ისწავლონ დღემდე ჭაობია. წულაია ამბობს, რომ ივანიშვილმა საპარლამენტო ქალაქის მიზანმიმართული ძარცვა განახორციელა.
“არაფორმალურმა მმართველმა ქუთაისს პარლამენტი, მთავრობის სახლი, სემეკი, საავტომობილო დეპარტამენტი, კონტროლის პალატა წაართვა და ჭაობთან მდებარე უნივერსიტეტის იმედად დატოვა. მე ბიძინა ივანიშვილს ბოქლომს და ჯაჭვს ვუგზავნი და ქუთაისის დაბოქლომებას ვურჩევ, რამეთუ ამ ქალაქს განვითარების პერსპექტივა ჩაუკეტა“, – აცხადებს გოგი წულაია.
ცნობისთვის, ქუთაისის საერთაშორისო უნივერსიტეტი სტუდენტებს 2020 წლის შემოდგომიდან მიიღებს, აკადემიური და ადმინისტრაციული პერსონალის შერჩევის კრიტერიუმები მიუნხენის ტექნოლოგიური უნივერსიტეტის მოთხოვნების შესაბამისად განისაზღვრება.
ლიკა დევდარიანი
სააგენტო “პარალელის”
რეგიონალური კორესპონდენტი
