საქართველოს პრეზიდენტმა სალომე ზურაბიშვილმა 19 წლის ფეხბურთელის, გიორგი შაქარაშვილის საქმესთან დაკავშირებით ჟურნალისტებთან საუბრისას აღნიშნა, რომ უკეთესი იქნებოდა პროკურატურისთვის მიგვენდო ეს საქმე და ამით ბევრად უფრო წინ წავიდოდა გამოძიება:
„მე არ ვიცოდი, რომ ამდენი გამომძიებელი იყო საქართველოში. მე არ გახლავართ გამომძიებელი და არც ვაპირებ ვიყო. პროკურატურას რომ მივანდოთ ეს საქმე და ყველა არ ერეოდეს, ბევრად უფრო კარგი იქნებოდა და უფრო წინ წავიდოდა გამოძიება.
ვაჟკაცობა ვიცი ერთი-ერთზე, არ ვიცი ჯგუფური, აგრესიული და ძალადობრივი ქმედებები ადამიანებზე. ეს არის ძალიან მიუღებელი, არაქართული და ვფიქრობ, ჩვენ უნდა დავუბრუნდეთ ჩვენ ღირებულებებს. კიდევ უფრო დიდი ვაჟკაცობა არის აღიარება და კიდევ უფრო მაღალი დონის ვაჟკაცობა-მონანიებაა. ამაზე უნდა დავფიქრდეთ ყველა და ასე უნდა გავზარდოთ ჩვენი ახალგაზრდები და არა ტყუილით, არა დამალვით და არა ჯგუფური ძალადობით,“ – განაცხადა სალომე ზურაბიშვილმა.
ავტორი
თამთა ბარბაქაძე
