,,ქრონიკა+”-ის მთავარი რედაქტორი, ჟურნალისტი ელისო კილაძე, გიორგი შაქარაშვილის მკვლელობასთან დაკავშირებით აქტიურობის შემდეგ, მასთან შსს საზოგადოებასთან ურთიერთობის დეპარტამენტის დირექტორის, ნინო გიორგობიანის მხრიდან განხორციელებული სატელეფონო ზარების თაობაზე წერს სოციალურ ქსელში და აცხადებს, რომ გიორგობიანი სისხლის სამართლის დანაშაულს ჩადის, რაზეც პასუხი უნდა აგოს:
“შაქარაზე წერა დავიწყე თუ არა, პირველი ვინც დამირეკა იყო, არც მეტი არც ნაკლები, ნინო გიორგობიანი! მერე მოაწერინა ახლობელ ჟურნალისტს, მერე მომწერა თავად – უშედეგოდ!
ბოლოს მან ჩემთან 2014 წელს დარეკა, თამაზაშვილზე დაწერილი მასალის გამო! (მას მერე კონტაქტი არ გვქონია).
იმის მიუხედავად, რომ ყველაფერი ვიცი, მის წვლილზე ჩემი შვილის დაჭერის და “ქრონიკა+”-დან ჟურნალისტების წაყვანის საქმეში, პერსონალურ ანგარიშსწორებაზე არასოდეს მიფიქრია!
ის რასაც ფეხბურთელის მკვლელობის საქმეში ჩადის, არის სისხლის სამართლის დანაშაული და მან პასუხი უნდა აგოს!
პირველს ფოტოგრაფმა დაურეკა სწორედ მას,და ეს ზარი საქმის მასალებიდან გამქრალია!
112-ის ზარი დადგმულია!
P.S. ჩემთან უპასუხო ზარების სქრინს დავდებ ქვემოთ!” – წერს ფეისბუქის პირად გვერდზე ელისო კილაძე.
უპასუხო ზარები:
ავტორი
ქეთა გაბრიაძე
