“ახალი შესეული იყო ურდო უკრაინას, კობახიძემ რომ თქვა, აქ ახლა ბევრი რუსი ჩამოვა და მათ “დისკრიმინაციას” არავის ვაპატიებთო” – ზაზა ბიბილაშვილი

კახეთში, სასტუმრო “Agarani Estate”-ში მომხდარ ინციდენტთან დაკავშირებით კონკრეტულ ფაქტებს იხსენებს:

“ახალი შესეული იყო ურდო უკრაინას, კობახიძემ რომ თქვა, აქ ახლა ბევრი რუსი ჩამოვა და მათ “დისკრიმინაციას” არავის ვაპატიებთო.

ცოტა პოზიტივიც რომ დავინახოთ, ამ დაპირებას პირნათლად უსრულებენ ოკუპანტს.

P.S. “პროვოკაცია იყო და ღირსებას იცავდა” არგუმენტი მხოლოდ მაშინ მოქმედებს, როცა ქოცი ქართველს ცემს ჯგუფურად“, – წერს ზაზა ბიბილაშვილი სოციალურ ქსელში.

ინფორმაციისთვის: თელავში, სასტუმრო “Agarani Estate”-ში გამართული ქორწილის დროს კონფლიქტი მოხდა. გავრცელებული ინფორმაციით, სასტუმროს ერთ-ერთი ნომრის აივნიდან, სავარაუდოდ რუსმა ტურისტმა ქალებმა შეურაცხყოფა მიაყენეს ქორწილში მყოფ სტუმრებს და მათ სხვადასხვაგვარი სითხე გადაასხეს, რის შემდეგაც მათთან ნომერში, საკითხის გასარკვევად, ქორწილის მონაწილე ავიდა, თუმცა მძიმე საუბარი ფიზიკური დაპირისპირებაში გადაიზარდა.