ლოგიკურ შეუსაბამობებზე საუბრობს “ნაციონალური მოძრაობის” ერთ-ერთი ლიდერი, გიორგი ბარამიძე სოციალურ ქსელში გამოქვეყნებულ პოსტში:
“ტვინგაყინულ ქოცს არაფერი ეშველება და მაინც კრემლიდან წამოსულ, ამერიკული “დიპსტეიტის” ყოვლისშემძლეობაზე, ქოცურ ბოდვას დაუჯერებს, მაგრამ მათ საყურადღებოდ მაინც დავსვამ ასეთ კითხვას:
თუ ამერიკულმა “დიპსტეიტმა” უკრაინა “წააქეზა” რუსეთთან ომში ჩართულიყო, ხოლო ევროპა “აიძულა” ამ ომის ნაწილი გამხდარიყო, მაშინ იგივე “დიპსტეიტმა” რატომ ვერ მოახერხა, რომ ევროპული ქვეყნები, უშუალოდ ამერიკის, ირანთან ომში, ასევე ჩართულიყვნენ?
თუ ეგ როგორაა, “დიპსტეიტი” ხან “აკონტროლებს” ევროპულ სახელმწიფოებს და ხან კი ვერა?
ასევე, როცა ევროპა, და აშშ მთავრობა, ივანიშვილს და მის რუსულ ბანდას აკრიტიკებს და სანქციებსაც კი უწესებენ, მაშინ ეგ ომის მოყვარული და წამქეზებელი “დიპსტეიტის” გამოა, ხოლო ირანის ომის შემთხვევაში, ევროპა მისი გავლენიდან, უცებ გამოვიდა?
ეგ “დიპსტეტის” მიერ ევროპის იძულებაზე დაფუძნებული ბოდვითი თეორია რომ სრული კრეტინიზმია, მაგას დიდი დაფიქრება არც ჭირდება, მაგრამ უბედურება ისაა, რომ რუსქოცების მთელი ანტიდასავლური, მავნებლური და საქართველოს შეგნებულად მოღალატური, პოლიტიკა და პროპაგანდა, სწორედ გონებრივად არცთუ უნარიან და სიცრუის პროპაგანდის მიმართ, მოწყვლად ადამიანებზეა გათვლილი.
ცხადია ზოგი რუსქოცი ყველაფერს კარგად ხვდება, თუმცა მათ სიმართლე არც არასდროს აინტერესებდათ, მათთვის მთავარია, რეჟიმიდან ის ხეირი და მატერიალური სარგებელი ჰქონდეთ, რასაც მათ რეჟიმი მისცემს, გადაუგდებს ან მოპარვის უფლებას მისცემს.
ზოგისთვის ეს სარგებელი 300-500 ლარია, ზოგისთვის მილიონი ან ვიღაცეებისთვის ასობით მილიონი და მილიარდიც კი. გააჩნია ვინ რამდენად იყიდება და რამდენად უღირს, სული ეშმაკს მიყიდონ და საქართველოს დამაქცევარი, კრიმინალური, ანტიდემოკრატიული რეჟიმი გაამაგრონ.
არა რუსქოცობას! საქართველო მაინც იქნება თავისუფალი!🇬🇪🇺🇦🇪🇺🇺🇸🇬🇧✊✌️“, – წერს გიორგი ბარამიძე.
