“სტრატეგია აღმაშენებლის” ერთ-ერთი ლიდერი, ნანა ტოხვაძე ე.წ. “საბოტაჟის საქმეზე” მიმდინარე სასამართლო პროცესებს მძიმე მინიშნებებით ეხმაურება:
“ე.წ. „საბოტაჟის საქმეზე“ მიმდინარე პროცესებმა გააცოცხლა საბჭოთა აჩრდილები და მისი “ღირსეული” მემკვიდრეების ხელით რეჟიმი წინ მიიწევს!
დღეს, ოპოზიციური ლიდერების წინააღმდეგ მთავარ მოწმეებად გვევლინებიან ღიად პრორუსები!
კრემლის ინტერესების გამტარებლები დღეს “მართლმსაჯულების სახელით” საუბრობენ და ცდილობენ დასაჯონ ისინი, ვინც ქვეყნის ევროპულ გზას იცავს!
ეს არის ღია ბრძოლა საქართველოს ევროპული არჩევანის წინააღმდეგ! ეს არის საქართველოს ევროპული და ევროატლანტიკური მომავლის საბოტაჟი, რომელსაც პრორუსული ძალები ღიად და ერთობლივი ძალისხმევით აწარმოებენ.
🇬🇪✊️🇪🇺🙏🇺🇸 ჩვენ ვაგრძელებთ ბრძოლას სიმართლისთვის, დემოკრატიისთვის და ჩვენი ქვეყნის თავისუფალი მომავლისთვის!” – წერს ნანა ტოხვაძე სოციალურ ქსელში.
