საკონსტიტუციო ცვლილებებთან დაკავშირებით ვიცე-პრემიერი, იუსტიციის მინისტრი თეა წულუკიანი აცხადებს, რომ ეს ცვლილებები არ სჭირდება მმართველ გუნდს, ცვლილებები ოპოზიციას სჭირდება, რადგან ყოველივე მათივე მოთხოვნითა და ინიციატივით ტარდება, რომ როგორმე მოხვდნენ პარლამენტში:
„ეს არის ის ცვლილებები, რომლებიც ჩვენ არ გვჭირდება. ეს ცვლილებები სჭირდება ოპოზიციას და შეთანხმებისამებრ, ჩვენ ამ ცვლილებებს გავატარებთ ცხოვრებაში.
თუკი ოპოზიცია, ვგულისხმობ ერთ ან მეტ კონკრეტულ ძალას, რომელიც ამბობს კიდევ, კვლავ, რომ 8 მარტის შეთანხმება არ სრულდებაო და არ მისცემს ხმას ამ ცვლილებებს, ეს იქნება მხოლოდ საბაბი იმისა, რომ ჩაშალონ ეს რეფორმა, რომელიც რეალურად მათივე მოთხოვნით და მათივე ინიციატივით ტარდება.
კიდევ ერთხელ ვამბობ, რომ ეს ცვლილებები მათთვისვე არის საჭირო, იმისათვის, რომ ეგებ როგორმე მოხვდნენ პარლამენტში,“ – განაცხადა თეა წულუკიანმა.
ავტორი
თამთა ასლანიშვილი
