შსს-ში შექმნილი სიძულვილის ენის წინააღმდეგ ბრძოლის ახალი სამმართველო საქმიანობის შესრულებას ოფიციალურად შეუდგა. ამასთან დაკავშირებით მთავრობის კანცელარიაში ბრიფინგი გამართა სახელმწიფო მინისტრმა, მამუკა მდინარაძემ, რასაც, კონკრეტული მინიშნებებით, სოციალურ ქსელში გამოქვეყნებული პოსტით, ეხმაურება ანალიტიკოსი ლელა ჯეჯელავა:
“სიძულვილს რომ მინიტორინგი შველოდეს, ქვეყნად უკეთურება არ იქნებოდა.
სიძულვილი უსიყვარულობაა. სიყვარულს ვერავის მიუსჯით. გამოუთქმელი სიძულვილი აუცილებლად დაიწყებს გამოსავლის ძიებას და ის სიტყვიდან ქმედებაში გადავა.
სადაც უსამართლობაა, იქ სიყვარული ვერ ხარობს. თუ სიძულვილის აკრძალვა გინდოდათ, ჯერ საკუთარი თავებისთვის უსამართლობა უნდა აგეკრძალათ. მთლად რუსთაველის იმედად ნუ იქნებით, “შიში შეიქმს სიყვარულსო“, აქ სხვა რამე იგულიახმება😊
მონიტორინგი ისეთი უნდა, ჩიტაძის ქუჩის კანცელარია კი არა, მთლად ზემოთა კანცელარია რომ აწარმოებს😊
კარგი ანდაზა გვაქვს ქართველებს: “რაც მოგივა დავითაო, ყველა შენი თავითაო“… დიახ, ბატონო გენერალ მაიორო!😊” – წერს ლელა ჯეჯელავა.
