სამოქალაქო აქტივისტი, ანალიტიკოსი დავით ნებიერიძე, სოციალურ ქსელში პოსტს აქვეყნებს, სადაც მძიმე პოზიცია-შეფასებებით მიმართავს მათ, ვისაც მძიმე პერიოდებში მხარში დაუდგა ჟურნალისტი, საავტორო გადაცემის წამყვანი, “ნანუკას ფონდის” დამფუძნებელი, ნანუკა ჟორჟოლიანი და ამჟამად, პატიმრობაში მყოფისთვის, საპასუხოდ მხარდაჭერას არ გამოხატავენ:
“ნანუკამ ვისაც შვილები სიკვდილს გადაგირჩინათ, უპატრონოდ ქუჩაში დაყრილებს ბინები რომ გიყიდათ, გურიაში დიდ თოვლობის დროს მთავრობისგან სასიკვდილოდ განწირულებს სიცოცხლე გადაგირჩინათ და ვერცერთი თქვენთაგანის პროტესტის სიტყვას ვერ ვხედავ. პირდაპირ დამანგრეველია.
ღირსები ხართ ცოცხალი და მკვდარი გაგინოთ, მაგრამ ნანუკას არ გადავახტები თავზე. თავად გაგცეთ პასუხი, თუ საჭიროდ ჩათვლის. მაგრამ, იმდენად პატარა არარაობები ხართ, აჯობეს ყურადღებაც კი არ მოგაქციოთ“, – წერს დავით ნებიერიძე სოციალურ ქსელში.
