ქუთაისის ინფექციურ საავადმყოფოში Covid19-ის დიაგნოზით ახალი პაციენტი მოათავსეს. ინფიცირებული 31 წლის მამაკაცი, სატვირთო მანქანის ე.წ. “ტრაილერის” მძღოლია. მას რუსეთში და სომხეთში მოგზაურობის ისტორია აქვს.
მკურნალი ექიმის, თემურ ნადირაძის თქმით, პაციენტი ცხელების ცენტრიდან დღეს დილის 6 საათზე შემოიყვანეს. ამ ეტაპზე, მისი მდგომარეობა დამაკმაყოფილებელია და პროტოკოლის შესაბამისი მკურნალობის კურსი უტარდება.
ამ დროისთვის კლინიკაში სტაციონარულ მკურნალობას სულ ორი პაციენტი გადის.
ლიკა დევდარიანი
სააგენტო “პარალელის”
რეგიონალური კორესპონდენტი
