“ვისაც იმის შნო არ აქვს, პოლიტიკაში თავისი ტ*აკით მოვიდეს და ეს ოპოზიცია ჩააჩოჩოს, ხელისუფლებას ჩააჩოჩებს?” – მერაბ მეტრეველი

ჟურნალისტი მერაბ მეტრეველი, პოლიტიკაში ახალი სახეების შემოსვლის ერთგვარ “წინაპირობას”, კონკრეტული შეფასება-მინიშებებით ეხმაურება:

“ბოლო დროს, ოპოზიციურად განწყობილი ადამიანების მხირდან, ხშირად გაიგონებ დაახლოებით ასეთ ფრაზას (ახლაც ერთი კარგი კაცის პოსტში შემხვდა იგივე):

ეს ოპოზიცია უნდა წავიდეს და ადგილი დაუთმოს სრულიად ახალ სახეებს, განათლებულ, მშრომელ, კარგი რეპუტაციის ადამიანებს. ახალი ხალხი, თუ არ მოვიდა, არაფერი გვეშველება.

მეც გეთანხმებით, რომ ახალი სახეები და ახალი ლიდერებია საჭირო, მაგრამ რას ჰქვია „უნდა დაუთმოს“? პოლიტიკა ავტობუსი არაა, რომ იქ ვინმემ ადგილი დაგითმოს. არც ბალეტია, რომ ხელში აგიტაცონ. პოლიტიკა მუდმივი ბრძოლაა, იქ გზა იდაყვებით უნდა გაიკვლიო.

თუ ვინმეს გული ერჩის, მოვიდეს და დაიკავოს ადგილი. რას ჰქვია ვინმემ ვინმეს რამე დაუთმოს? ვისაც იმის შნო არ აქვს, პოლიტიკაში თავისი ტ*აკით მოვიდეს და ეს ოპოზიცია ჩააჩოჩოს, ხელისუფლებას ჩააჩოჩებს?” – წერს მერაბ მეტრეველი სოციალურ ქსელში.