ანალიტიკოსი, პოლიტიკის ექსპერტი გია ხუხაშვილი შიო III-ის არჩევიდან მეორე დღეს პატრიარქად აღსაყდრების გადაწყვეტილებას კონკრეტული ვარაუდებით და განმარტებებით ხსნის:
“რაც შეეხება დაჩქარებულ ინტრონიზაციას:
ამას ორი შესაძლო მოტივი შეიძლება ჰქონდეს.
ძალიან ცუდზე არ ვისაუბრებ, პირდაპირ მეორეზე მოგახსენებთ – ეს შესაძლოა იყოს ხელისუფლების მიერ არჩეული “არ გაღიზიანების” პოლიტიკური სტრატეგიის პირდაპირი გამოძახილი – რადგან რუსეთის პატრიარქს ჩამოსვლის პრობლემები აქვს, როგორც ჩვენი შიდა პოლიტიკური სიტუაციიდან, ასევე მსოფლიო პატრიარქთან და უკრაინის მართლმადიდებელ ეკლესიასთან ურთიერთობიდან გამომდინარე, ამიტომ გადაწყვიტეს ესოდენ მნიშვნელოვანი, მე ვიტყოდი ისტორიული მოვლენა, ასე მიეფუჩეჩებინათ.
სინამდვილეში, უნდა გვესმოდეს, რომ “არ გაღიზიანების” პოლიტიკა არა თუ მორალური, არამედ პრაგმატული გაგებითაც აბსოლუტურად უპერსპექტივოა, რადგან შედეგად მოყვარეს იმტერებ, მტერი კი სისუსტედ გითვლის და თავზე გაჯდება.
ძალიან მარტივი ცხოვრებისეული ფორმულაა – ვისაც ყველასთან კარგად უნდა იყოს, ის საბოლოო ჯამში სრულიად მარტო რჩება…“, – წერს გია ხუხაშვილი სოციალურ ქსელში.
