“ნაციონალური მოძრაობის” პოლიტსაბჭოს წევრი, ლაშა ფარულავა კონკრეტულ ფაქტებზე აკეთებს მინიშნებას და თბილისის მერის, კახა კალაძის პასუხისმგებლობაზე მიუთითებს:
“კახი კალაძემ თბილისელებს დაახლოებით 1.2 მილიარდი ლარის სესხი აჰკიდა – საცობების, ტრანსპორტის, პარკირების, ბასლაინებისა და ინფრასტრუქტურის მოწესრიგებისთვის.
ეს ფული სავარაუდოდ მოიპარეს, გაფლანგეს, ოქროს ზოდები სახლებში დაილაგეს და ხალხი საცობში დატოვეს.
თბილისელები ამ ვალის მომსახურებაში ყოველწლიურად დაახლოებით 100 მილიონ ლარს იხდიან უკვე გაზრდილი ჯარიმებით.
დღეს დედაქალაქში პარკირების ადგილები არ იზრდება, იზრდება მხოლოდ პარკირების ჯარიმები.
ეს არის ქოცების მიერ შექმნილი ხალხის ძარცვისა და არაეფექტური მმართველობის მძიმე ქრონიკა!” – წერს ლაშა ფარულავა ფეისბუქის პირად გვერდზე.
