“ნაციონალური მოძრაობის” ერთ-ერთი ლიდერი, ხატია დეკანოიძე პოლიტიკური შეფასებებით და კონკრეტული განმარტებებით ეხმაურება მმართველი გუნდის მიერ განსაზღვრულ პრიორიტეტებს და იმ საკითხებზე ამახვილებს ყურადღებას, რაც ოპოზიციონერი პოლიტიკოსის აზრით, ქართველი ხალხისათვის არის მნიშვნელოვანი:
“ქართულ ოცნებას” წარმოდგენა არ აქვს რა სჭირდება ქართველ ხალხს.
ქართველი ხალხის ინტერესი ეს არ არის კონკრეტულად პოლიტიკური პარტიების აკრძალვა, ქართველი ხალხის ინტერესი არ არი ოპონენტების ციხეში გაშვება, ქართველი ხალხის ინტერესი არ არის ახალი გამოგონილი საკონსტიტუციო სარჩელები.
ქართველი ხალხის ინტერესი არის ის, რომ ფასები არის კატასტროფული. მთავარი კონკრეტული ამოცანები ეს არის ქართველი ხალხის ინტერესის დაცვა და ზუსტად ამ ინტერესებზე მუშაობა, ეს არის ფასები, გაჭირვება, სიღარიბე.
მთავარი მოსაზრება ის არის, რომ ადამიანების ყურადღება გადაიტანონ ამ ძალიან მძიმე სოციალური თემებიდან, გაჭირვებიდან და სიღარიბიდან, ფასებიდან, რომელსაც ვერაფერი უქნეს იმ მიმართულებით, რომელიც მართლა არ არის ჩვენი მოქალაქეები და ხალხის ინტერესი, ამიტომ ამ თემასთან და ზოგადად, ხალხის ინტერესთან აცდენა, ეს არის ის, რაც აქვს “ქართულ ოცნებას” და რაც ჩანს მათი პოზიციიდან“, – აცხადებს ხატია დეკანოიძე ტვ “პირველთან” კომენტარში.
