პარტია “ხალხისთვის” თავმჯდომარე, ანა დოლიძე მაღალ ფასებთან დაკავშირებით აკეთებს მინიშნებას და საქართველოს მოქალაქეებისთვის ცხოვრების გართულებაზე საუბრობს:
“სანამ ,,ოცნება” შოუს დგამს ფასების კომისიის სახით, ცხოვრება უფრო და უფრო რთული ხდება ჩვენი მოქალაქეებისთვის, ამ მხრივ კი არაფერი იცვლება, პირიქით.
ამის კარგი მაგალითია ტრადიციული სააღდგომო სუფრა, რომელიც საქართველოს მოქალაქის ერთ ოჯახს მინიმუმ 150 ლარი უჯდება. ეს თვიური პენსიის თითქმის ნახევარია. დანარჩენი 25 დღე რა უნდა გააკეთოს ადამიანმა?! ეს უნდა ვკითხოთ ივანიშვილ/კობახიძეს.
რეალობა არის ურთულესი. ამ ყველაფერს ვერ დაინახავს ,,ოცნების” ჩინოვნიკები, მათთვის ხალხის ცნება გამქრალია, მათ ადარდებთ მხოლოდ და მხოლოდ საკუთარი თავი.
მეგობრებო, თქვენ რა დაგიჯდათ ამ წლის სააღდგომო სადილი?” – წერს ანა დოლიძე სოციალურ ქსელში.
