“როგორი სხვანაირი იქნებოდა სამყარო, იმის მილიგრამი რომ გვწამდეს და გვჯეროდეს ქრისტე, რამდენიც ვწამვართ და სჯერა ჩვენი…” – გოჩა მირცხულავა

იესო ქრისტე, ხალხი და რწმენა ანალიტიკოს გოჩა მირცხულავას შეფასებებში:

“პილატე იმიტომ კი არ ეჯავრებათ, რომ განაჩენი გამოიტანა. იმიტომ, რომ ხელი დაიბანა და განაჩენის გამომტანად ხალხი – ბრბო დატოვა.

ხალხი – ბრბო ყველა ეპოქაში ბრბოა. დღეს პირქვედამხობილიც და ხელებ ცაში ამპყრობელიც, რომელიც ქრისტეს სადღაც ეძებს და არა – მწყურვალში, მშიერში, უსამართლოდ დაჩაგრულში, ნაცემში, ნაგვემში, უარყოფილში, საძულველში, ხეიბარში, დავრდომილში, უპოვარში, ტუსაღში, მართალში…

ხალხი – ბრბო და ხალხი კონფორმისტი.

ქრისტე კი იდეალისტი, რომელსაც ამ დრომდე სჯერა რომ გადაგვარჩენს, რომ გადავრჩებით.
ქრისტე – შეგნებული არჩევანით, გაბედულების სასწაულით და ადამიანისადმი რწმენით.

როგორი სხვანაირი იქნებოდა სამყარო, იმის მილიგრამი რომ გვწამდეს და გვჯეროდეს ქრისტე, რამდენიც ვწამვართ და სჯერა ჩვენი…

ქრისტე, რომელიც იქ – “სადღაც” კი არა, ერთმანეთში და საკუთარ თავში უნდა ვეძებოთ.
ქრისტე – თავისუფლება, სიყვარული და სამართლიანობა.
ქრისტე – გამოუსწორებელი და საშიში იდეალისტი“, – წერს გოჩა მირცხულავა სოციალურ ქსელში.