„ლეიბორისტულ პარტიის“ ოფისში ოპოზიციური პარტიების ლიდერების მორიგი შეხვედრის შემდეგ, “გამარჯვებული საქართველოს” ლიდერმა, ირაკლი ოქრუაშვილმა განაცხადა, რომ ერთმნიშვნელოვნად იქნება მაჟორიტარი, თუმცა სად – მოგვიანებით დაასახელებს. ოპოზიციონერი პოლიტიკოსი ასევე არ გამორიცხავს, რომ გორის მაჟორიტარად იყაროს კენჭი. აქვე განმარტა, რომ პარტიები არჩევნებზე დამოუკიდებლად მიიღებენ მონაწილეობას:
„საერთო მაჟორიტარულ კანდიდატებთან დაკავშირებით მოლაპარაკებები აქტიურ სამუშაო პროცესშია გადასული, ისევე როგორც ვიმსჯელეთ 20 ივნისის სავარაუდო აქციასთან დაკავშირებით. ვიმსჯელეთ გიორგი რურუას გათავისუფლებასთან დაკავშირებითაც, თქვენც ნახეთ ემოციური შეხვედრა იყო. დრო გვაქვს, რომ საერთო სტრატეგიაზე კიდევ უფრო კარგად ჩამოვყალიბდეთ.
დღევანდელი გადასახედიდან პარტიები დამოუკიდებლად წარდგებიან არჩევნებზე, მაგრამ ამ დამოუკიდებლობას აუცილებლად ექნება საერთო მაჟორიტარულ კანდიდატებზე შეთანხმების სტრატეგია.
ერთმნიშვნელოვნად ვიქნები მაჟორიტარი, ოღონდ სად, ამას ცოტა მოგვიანებით გეტყვით. დარწმუნებული არ ვარ თუმცა არ გამოვრიცხავ, რომ ვიყო გორში.
ყველა უნდა წავიდეთ წინა ხაზზე, მაჟორიტარული ოლქები არის ბრძოლის წინა ხაზი,“ – განაცხადა ირაკლი ოქრუაშვილმა.
ავტორი
თამთა ასლანიშვილი
