ბოდბის ეპარქიის მთავარეპისკოპოსის, მეუფე იაკობის ქადაგებას ეხმიანება და მმართველი გუნდის მიმართ მძიმე შეფასებებს აკეთებს პარლამენტის ყოფილი დეპუტატი, საქართველოს ეროვნული ბანკის ყოფილი პრეზიდენტი, ეკონომისტი რომან გოცირიძე:
“როგორი დამოკიდებულებაც უნდა გქონდეს საპატრიარქოსადმი, მეუფე იაკობის ბოლოდროინდელი განცხადებები საგულისხმოა და დასაფასებელი.
“ოცნების” რეჟიმის თავგასულობამ იმ ზღვარს მიაღწია, რომ დღეს დუმილი ქვეყნის ღალატის ტოლფასია. ცოტაც და ბელარუსში გავიღვიძებთ. ამას უკვე ხელისუფლების მხარდამჭერებიც აცნობიერებენ.
როცა მსგავსი განცხადება კეთდება იმათგან, ვისი მხრიდანაც ამას ნაკლებად ელოდები, ეს მრავლისმეტყველია.
მეუფე იაკობს პრორუსულობას ნამდვილად ვერ დასწამებ. დღეს ყველა გონიერი ადამიანი აცნობიერებს იმ საფრთხეს, რის წინაშეც ქვეყანა დგას“, – წერს რომან გოცირიძე ფეისბუქის პირად გვერდზე.
