გავრცელებული ინფორმაციით, თანაინვესტირების ფონდის ყოფილ ხელმძღვანელს, გიორგი ბაჩიაშვილს, ბრალის აღიარების შემდეგ, პროკურატურამ საპროცესო შეთანხმება გაუფორმა, რის შემდეგაც მსჯავრდებული პატიმრობიდან გათავისუფლდა. ფაქტს კონკრეტული მინიშნებებით ეხმაურება ტელეკომპანია “კავკასიას” გენერალური დირექტორი, ნინო ჯანგირაშვილი:
“მე არ ვიცი როგორ გაიყვეს ბიტკოინები ივანიშვილმა და ბაჩიაშვილმა, მაგრამ თქვენი ჭირიმე, ახლა ბაჩიაშვილის საპროცესო გარიგებასაც ჩვენ ნუ შევიტენით წარუმატებლობად და თვითგვემას ნუ მივეცემით.
ციფრებს შეხედეთ – შარშან ამ დროს ბიტკოინი 102 000 დოლარი ღირდა, მერე იმერყევა, ოქტომბერში პიკზე – 126 000 დოლარზე ავარდა და მას შემდეგ წამორიხინდა ქვევით. ახლა 67 000 დოლარი ღირს. და კიდევ სად წავა კაცმა არ იცის.
ეგ ორნი სავარაუდოდ საკუთარი ბიტკოინების გადასარჩენად შეიკრნენ და გავანებოთ რა თავი“, – წერს ნინო ჯანგირაშვილი სოციალურ ქსელში.
