ყოფილი დიპლომატი, ანალიტიკოსი, პოლიტიკის ექსპერტი გია ჯაფარიძე, მმართველი გუნდის მიერ ინიცირებულ საკანონმდებლო ცვლილებებს ეხმაურება, ცალკეულ ფაქტებზე მინიშნებას აკეთებს და ლეგიტიმურობისა თუ არცნობის თემასთან დაკავშირებით თავის პოზიციას აფიქსირებს:
“რუსეთი და კიდევ 4 ქვეყანა არ აღიარებს საქართველოს ტერიტორიულ მთლიანობას. საქართველოს ტერიტორიულ მთლიანობას არ აღიარებს “ქართული ოცნება” (იხილეთ ბოდიშის კამპანია, ასევე მათი რუკები) და ჰამაზი, რომლის გვერდითაც დისკომფორტის გარეშე იდგა ირაკლი კობახიძე.
რუსეთი და ეს 4 ქვეყანა აღიარებენ საქართველოს ბოლო საპარლამენტო არჩევნების იმ შედეგს, რომელიც “ქართული ოცნების” ცესკო-მ დადო, და ქართულ ოცნებას, როგორც მთავრობას.
რუსეთი და ეს 4 ქვეყანა არღვევს საერთაშორისო სამართალს. “ქართული ოცნება” არღვევს საერთაშორისო სამართალს, როცა ადამიანებს აწამებს, უკანონოდ აკავებს, ცემს და სავარაუდოდ წამლავს.
პირიქითაა, პირიქით 🙂 რუსეთი და კობახიძე საქართველოს სახელმწიფოს არ აღიარებენ მის ტერიტორიულ საზღვრებში, ხოლო საქართველოს მოქალაქეები გაყალბებული არჩევნების შედეგებს არ აღიარებენ“, – წერს გია ჯაფარიძე სოციალურ ქსელში.
