ველური ბუნების ეროვნული სააგენტოს მორიგი საინტერესო ინფორმაცია საქართველოს ფლორაზე:
🍁 გავიცნოთ საქართველოს ბიომრავალფეროვნება – ამჯერად მოგიყვებით ქართულ ნეკერჩხალზე Acer ibericum, რომელიც საქართველოს ტყეების ერთ-ერთი გამორჩეული სახეობაა.
ძირითადად სამხრეთ-აღმოსავლეთ საქართველოში გვხვდება – ვაშლოვანში, ჭაჭუნას და ალაზნის ქვემო აუზში. იზრდება მშრალ, მზიან ფერდობებზე და მნიშვნელოვანი როლი აქვს ეკოსისტემების შენარჩუნებაში.
❓ რით განსხვავდება ქართული ნეკარჩხალი ნეკერჩხლის სხვა სახეობებისგან?
• აქვს სამნაკვთიანი ფოთლები, მაშინ როცა ნეკერჩხლების უმეტესობას 5 ან მეტი ნაკვთი ახასიათებს.
• შედარებით ტანდაბალია – ჩვეულებრივ 8-10 მეტრამდე იზრდება და კომპაქტური ვარჯი აქვს.
• უკეთაა შეგუებული მშრალ და ცხელ გარემოსთან, რაც ნეკერჩხლებისთვის ნაკლებად ტიპურია.
• ტყეში იშვიათად ქმნის წმინდა კორომებს – უფრო ხშირად სხვა სახეობებთან ერთად გვხვდება.
ქართული ნეკერჩხალი მესამეული პერიოდის რელიქტია – მილიონობით წლის წინ არსებული მცენარეული სამყაროს „ცოცხალი მემკვიდრე“.
მცირე და ფრაგმენტული გავრცელების გამო შეტანილია საქართველოს „წითელ ნუსხაში“, როგორც მოწყვლადი (VU) სახეობა, რაც ნიშნავს, რომ მისი დაცვა განსაკუთრებით მნიშვნელოვანია.
