სამოქალაქო აქტივისტი, ზურაბ ცეცხლაძე საპროტესტო აქციების მონაწილეებს კონკრეტულ სამართლებრივ რჩევებს აძლევს:
“მოგმართავთ პროტესტში მყოფ საზოგადოებას, რომლებმაც ამ დღეებში მიიღეთ და/ან შემდეგ დღეებში მიიღებთ შეტყობინებებს აღსრულების ეროვნულ ბიუროდან, ანგარიშებზე ყადაღების შესახებ, გზის გადაკეტვის გამო ჯარიმებთან დაკავშირებით.
დაყადაღებისთანავე ნუ ჩქარობთ, ნუ იწყებთ თანხების აგროვებას და ქოცების ბიუჯეტის ავსებას. არის გამოსავალი და ამით უნდა ვისარგებლოთ ყველამ.
როგორც კი მოგვივა შეტყობინება დაყადაღების შესახებ, მაშინვე მივდივართ და ვიბარებთ ხელზე (საპატრულო პოლიციაში), საჯარიმო ოქმს/ოქმებს, ვასმევთ ხელწერას და ჩაბარების თარიღს, ვამზადებთ საჩივარს და შეგვაქვს სასამართლოში.
სასამართლო 5 დღის განმავლობაში იღებს განჩინებას, საჩივრის წარმოებაში მიღების შესახებ და აჩერებს ჯარიმის აღსრულებას, სასამართლოს მიერ საჩივრის არსებითი განხილვის დასრულებამდე.
შემდეგ, ეს განჩინება მიგვაქვს აღსრულებია ეროვნულ ბიუროში და ვხსნით ყადაღებს.
თვალსაჩინოებისათვის წარმოგიდგენთ სასამართლოს განჩინებას. 26 იანვარს შევიტანეთ საჩივარი, სასამართლომ გამოსცა განჩინება 29 იანვარს და ეს განჩინება ჩაგვბარდა 6 თებერვალს. თუ სასამართლოში მივალთ და ადგილზე ჩავიბარებთ განჩინებას, მაშინ ამ ყველაფერს მაქსიმუმ დაჭირდება 7 დღე (ერთი კვირა).
კიდევ ერთხელ გთხოვთ, ისედაც გაღატაკებულ პროტესტის მონაწილეებს ბოლო თეთრებს ნუ ამოვუღებთ ჯიბეებიდან და ნუ ვუვსებთ ქოცების რეჟიმს ბიუჯეტს. ვიბრძოლოთ ბოლომდე მაინც, ვიდრე მისი გასაჩივრება შეიძლება.
მე მზად ვარ დაგეხმაროთ საჩივრების მომზადებაში, სხვა ადვოკატებიც არ იტყვიან უარს და ერთად შევძლებთ ყველა დახმარებას.
მინდა სწორად გამიგოთ, სხვა არაფერი მამოძრავებს გარდა იმისა, რომ ამ მოღალატე რუსულ რეჟიმს არ შევუვსოთ ბიუჯეტი.
ბრძოლა ბოლომდე! გავიმარჯვებთ სახელოვნად!!!” – წერს ზურაბ ცეცხლაძე სოციალურ ქსელში.
