“მთავარია ტოქსიკური ტვირთი ჩავიხსნათ, ყეყეჩ ბელადებს და ოლიგარქებს ადგილი მივუჩინოთ…” – თამარ ჩერგოლეიშვილი

პარტია “ფედერალისტების” ერთ-ერთი ლიდერი, თამარ ჩერგოლეიშვილი ოპოზიციაში კონკრეტული პრინციპების დაცვის აუცილებლობაზე მიუთითებს:

“ქართული დემოკრატიული ოპოზიცია თუ სტრატეგიაზე და თანამშრომლობის დემოკრატიულ წესებზე შეთანხმდა – დასავლეთისთვის ეს დიდი გარღვევა იქნება და შეიძლება ჩვენი სერიოზულად აღქმაც დაიწყოს.

მთავარია ტოქსიკური ტვირთი ჩავიხსნათ, ყეყეჩ ბელადებს და ოლიგარქებს ადგილი მივუჩინოთ და გასაგები გავხადოთ, რას ვიცავთ, რისგან ვიცავთ და რა გვინდა.

ოპოზიციური პარტიების თანასწორი, ერთმანეთის და ერთმანეთის ამომრჩევლის პატივისცემაზე დაფუძნებული ერთობა გაგვიყვანს სამშვიდობოს და ამაზე ვმუშაობთ“, – წერს თამარ ჩერგოლეიშვილი სოციალურ ქსელში.