მართლმსაჯულებასთან დაკავშირებით საქართველოში არსებული მდგომარეობის შეფასებისას ჟურნალისტებთან საუბრისას მთავრობის მეთაური აღნიშნავს, რომ ქვეყანაში არც პოლიტიკური მართლმსაჯულებაა და არც პოლიტპატიმრები:
„საქართველოში პოლიტპატიმრები არ არსებობენ, წერტილი! საქართველოში პოლიტიკური მართლმსაჯულება არ არსებობს, კიდევ ერთი წერტილი! რაც შეეხება აღებულ ვალდებულებებს, სახელმწიფო შეასრულებს ყველა იმ ვალდებულებას, რომელიც აიღო სტრატეგიული პარტნიორების წინაშე,“ – აღნიშნა გიორგი გახარიამ.
ეს განცხადება პრემიერ-მინისტრმა გიორგი გახარიამ ევროპარლამენტის წევრ ანდრიუს კუბილიუსის წერილთან დაკავშირებით გააკეთა. ღია წერილში ევროპარლამენტარი მოუწოდებს მთავრობას, შეასრულოს ოპოზიციასთან 8 მარტს მიღწეული შეთანხმება. საკითხი ეხება გიგი უგულავას, ირაკლი ოქრუაშვილის და გიორგი რურუას საქმეებს.
ავტორი
თამთა ასლანიშვილი
