ოპოზიციონერი პოლიტიკოსი, პარლამენტის ყოფილი დეპუტატი, ეკა ხერხეულიძე სრულ მხარდაჭერას უცხადებს აფხაზეთის უზენაესი საბჭოს თავჯდომარის, თამაზ ნადარეიშვილის შვილს, თავდაცვის ყოფილი მინისტრის, ბაჩო ახალაიას მეუღლეს ანი ნადარეიშვილს:
“მთელი საქოცეთის ქალთა მოდგმა რომ გააერთიანოთ, თავის აღმატებული ღირსებებით, ერთი ანი ნადარეიშვილი არ გამოიძერწება მათგან.
არც მათგან, ვინც იცის, რომ ამ ჩამპალ კორუმპირებულ ვითარებაში, 13 წლის მანძილზე დაჯიჯგნული ახალაიების ოჯახიდან ერთი ლარი ვერ იპოვეს მოპარული და საკუთარ კომპლექსებთან დამარცხებულები, მომხდარზე ისევ სდუმან.
თქვენ გაგიხმათ ეგ “უკომპრომისო მებრძოლი” თავები, თქვე ლაჩრებო 🙂
ანი ნადარეიშვილი, ესეც ჩაივლის, ჩემო გოგო❤️“, – წერს ეკა ხერხეულიძე ფეისბუქის პირად გვერდზე.
ინფორმავიისთვის: 4 ოქტომბრის საქმის გამოძიების ფარგლებში სუს-ში გამოკითხვაზე დაიბარეს, შემდეგ კი დააპატიმრეს თავდაცვის ყოფილი მინისტრი, ბაჩო ახალაია, ხოლო მის მეუღლესთან, ანა ნადარეიშვილთან დაკავშირებით მიღებულია გადაწყვეტილება მისი დაკავებიდან გათავისუფლების შესახებ, თუმცა მასთან დაკავშირებით, როგორც საგამოძიებო უწყება აღნიშნავს, არსებული თუ სხვა ახალი მტკიცებულებების საფუძველზე მომავალში იმსჯელებს.
