“ივანიშვილმა, პრაქტიკულად, უარი თქვა საქართველოს სუვერენიტეტის ფსოუს საბაჟოზე განხორციელებაზე” – მიხეილ სააკაშვილი

საქართველოს მე-3 პრეზიდენტი, მიხეილ სააკაშვილი კონკრეტულ ფაქტებს იხსენებს ფსოუზე საბაჟოს გახსნის გადაწყვეტილებასთან დაკავშირებით:

“მე, 2011 წელს, შვეიცარიელების შუამავლობით, გავაფორმე ხელშეკრულება რუსეთთან, რომლითაც ჩვენი საერთაშორისო საზღვარი დაფიქსირდა ფსოუზე და ხელშეკრულების თანახმად, ფსოუზე, ჩვენს წარმომადგენლად შვეიცარიულ კერძო კომპანიას უნდა მოეხდინა ამ გამშვები პუნქტის ოპერირება.

ამის მისაღწევად ჩვენ გამოვიყენეთ ის ბერკეტი, რომ რუსეთის მსოფლიო სავაჭრო ორგანიზაციაში გაწევრიანებაზე ჩვენ გვქონდა ვეტოს უფლება.

პრეზიდენტი ობამა პირადად მაწვებოდა, რომ არ წამეყენებინა რუსეთისთვის პრეტენზიები და მე მიუხედავად იმისა, რომ ჩემი სიჯიუტე ავტომატურად იწვევდა ობამას ჩემზე გადაკიდებას, ძალიან პრინციპული პოზიცია დავიჭირე და მრავალთვიანი მოლაპარაკებების შემდეგ, მას შემდეგ რაც მე ჩემი პოზიციიდან ფეხი არ მოვიცვალე, ამერიკამ დაითანხმა პუტინი, ქაღალდზე ეღიარებინა ჩვენი საერთაშორისო საზღვრები.

ივანიშვილმა, მოსვლის შემდეგ, არაფერი არ გააკეთა ამ ჩვენთვის უკიდურესად მომგებიანი ხელშეკრულების განსახორციელებლად. პრაქტიკულად, უარი თქვა, საქართველოს სუვერენიტეტის ფსოუს საბაჟოზე განხორციელებაზე“, – აცხადებს მიხეილ სააკაშვილი.