“კოალიცია ცვლილებებისთვის” ლიდერი ზურაბ გირჩი ჯაფარიძე, განსჯისათვის, წინა და მოქმედ ხელისუფლებასთან დაკავშირებით გავცელებული ცალკეული მოსაზრებების ჩამოთვლას ახდენს:
“საიდან შეიძლება მოდიოდეს ინფორმაციის ნიაღვარი წლების განმავლობაში, თითქოს:
– ბენზინიდან ლარი მიაქვს ხელისუფლებას;
– ბუნებრივი აირის საფასურის ⅔-ს იპარავს ხელისუფლება;
– ელ.ენერგიის ფასი ხელოვნურად არის გაზრდილი, რომ -მოსახლეობა გაძარცვონ;
– პრეზიდენტი ძუძუებს აჭამს ქალებს;
– პრემიერ-მინისტრი მოკლა ხელისუფლებამ;
– ქვეყნის საერთაშორისო რეიტინგებში ზრდა ტყუილია;
– საბანკო % ხელოვნურად არის გაზრდილი;
– თბილისში ასახლებენ 300 000 ჩინელს;
– პირველი ლედი ადამიანის ორგანოებით ვაჭრობს;
– და სხვა.
ახლა:
– ქოცებს არ დაუორგანიზებიათ ათასობით ადამიანთან რეკვა, გინება და მუქარა;
– ქოცებს არ დაუორგანიზებიათ ათობით ჩასაფრება და ხალხის ხელკეტებით ცემა;
– ქოცებს არ ჰყავთ დაორგანიზებული ტიტუშკები, რომლებიც ხალხს სცემენ;
– ქოცებს არ დაუორგანიზებიათ ასობით ადამიანის წამება ქუჩაში, პოლიციის განყოფილებებსა და სპეციალურ მინივენებში;
– ქოცებს არ დაუორგანიზებიათ წმენდა საჯარო სექტორში;
– ქოცებს არ გაუყალბებიათ არჩევნები;
– ქოცებში არ არის აღვირახსნილი კორუფცია;
– ქოცებს არ დაუწამლიათ ხალხი ქიმიური ნივთიერებით;
– ქოცებს არ გაუხდიათ პოლიცია უმოქმედო, როდესაც ტიტუშკების დასჯაზეა საუბარი;
– ქოცები არაფერ შუაში არიან იმაში, რომ სრულად მოვწყდით ცივილიზაციას;
– ქოცები არაფერ შუაში არიან, რომ მარტო ოკუპანტი რუსეთი გვაქებს 13 წელია;
– ბიძინა არაფერ შუაშია;
– რუსეთი არაფერ შუაშია;
– და სხვა.
მადაგასკარიდან გვა%^@^ებენ ვითომ?” – წერს ზურაბ გირჩი ჯაფარიძე საპატიმროდან გამოგზავნილ წერილში.
8.12.25
