პოლიტიკური პლატფორმა „ახალი საქართველოს“ თავმჯდომარის გიორგი ვაშაძის განცხადებით ქვეყანაში მასობრივი შიმშილია მოსალოდნელი, ხელისუფლებას კი აქვს ცრუ, არაადეკვატური წარმოდგენა, რომ საგანგებო რეჟიმის გაწელვით მოიგებენ არჩევნებს. ოპოზიციონერი ლიდერის განმარტებით საქართველოში უკვე დაკარგულია დაახლოებით 100-150 ათასი სამუშაო ადგილი და შეიძლება ეს ციფრი 500 ათასამდე გაიზარდოს:
“მათ აქვთ ცრუ, თავისი დამახასიათებელი, არაადეკვატური წარმოდგენა, რომ ჰგონიათ თუ საზედამხედველო ფუნქცია ექნებათ, საგანგებო რეჟიმი დიდხანს იქნება, ისინი მოიგებენ არჩევნებს და ეს ასე არ იქნება, მშიერი ადამიანი სახლში არ დაჯდება და მათ მოუწევთ ამაზე პასუხის გაცემა.
მასობრივი შიმშილი გველოდება ქვეყანაში. ჩვენ უკვე დავკარგეთ დაახლოებით 100 000 – 150 000 სამუშაო ადგილი და შეიძლება ეს ციფრი 500 000-მდე გაიზარდოს. ანუ მთელი ქვეყანა უმუშევარი იყოს და ამ პირობებში საერთოდ რაზე ლაპარაკობენ,” – აცხადებს გიორგი ვაშაძე
გიორგი ვაშაძის კომენტარს პარტია „ახალი საქრთველოს“ პრესსამსახური ავრცელებს
