საქართველოში საპროტესტო აქციების დროს, შსს-ს მიერ მომწამვლელი გაზის სავარაუდო გამოყენებასთან დაკავშირებით (რაც BBC-ს მიერ მომზადებულ მასალაშია ინფორმაციებად/ფაქტებად წარმოდგენილი), სოციალურ ქსელში, 7 პუნქტიან სამოქმედო გეგმას ავრცელებს პარტია “ხალხისთვის” თავმჯდომარე, ანა დოლიძე:
“1. ჰააგასთან თანამშრომლობა (დაწყებულია) საერთაშორისო გამოძიებისთვის!
2. სპეციალური პალატა უნდა შევქმნათ საქართველოში (ბოსნია ჰერცეგოვინას მაგალითი);
3. დაზარალებულები შეაგროვებენ ფაქტებს, მოგვიანებით კომპენსაციისთვის (პრეცედენტები ბევრია);
4. “უნივერსალური იურისდიქცია”: მუშაობა მეგობარ სახელმწიფოებთან (სადაც ჩავლენ, იქ გაასამართლებენ);
5. მიმართვა ქიმიური იარაღის ორგანიზაციის წევრ ქვეყნებს (OPCW), ჩამოვიდნენ შემოწმებაზე;
6.მიმართვა გაეროს მომხსენებელს წამების საკითხებზე, ჩამოვიდეს შემოწმებაზე;
5. ვქმნი სამუშაო ჯგუფს: ჩაერთვებიან საერთაშორისო სამართლის სტუდენტები და დაინტერესებული ჯგუფები“, – აღნიშნავს ანა დოლიძე.
