პარლამენტის უფუნქციობაზე საუბრობს ფრაქცია “ნაციონალური მოძრაობის“ მდივანი თინა ბოკუჩავა, ქვეყანაში Covid-19-ით გამოწვეულ ეკონომიკურ კრიზისზე საუბრობს და კონკრეტულ კითხვებზე პასუხების გასაცემად “ერთიანი ნაციონალური მოძრაობის” სახელით, ინტერპელაციის წესით, პრემიერ-მინისტრ გიორგი გახარიას პარლამენტში იბარებს:
“2013 წლიდან დღემდე ქვეყანაში სიღარიბე უკიდურესად გაიზარდა, მათ შორის, ყველაზე მოწყვლად ჯგუფებში, ბავშვებსა და პენსიონერებში. Covid-19-ით გამოწვეული ეკონომიკური კრიზისიდან გამომდინარე, სიღარიბე კიდევ უფრო გაიზრდება. ამ დროს კი ქართული ოცნების ხელისუფლება, ე.წ. დახმარების პაკეტიდან თანხებს პარტაქტივისა და მათთან აფილირებული ბიზნესმენების გასამდიდრებლად იყენებს. ამ გეგმაში ერთი თეთრიც არ არის გათვალისწინებული პენსიონერებისთვის, 600 ათასი თვითდასაქმებულისთვის, 165 ათასი სოცდაუცველისთვის, 100 ათასამდემდე შშმ პირისა და დევნილებისთვის.
ულოკმაპუროდ დარჩენილი ხალხის ხმა საქართველოს პარლამენტში არ ისმის, ეს პარლამენტი, იზოლაციაში მყოფმა ივანიშვილმა, პრაქტიკულად გააუქმა.
იმისთვის, რომ ჩვენ სახლში დარჩენილი გაჭირვებული ადამიანების ხმა გავაგონოთ გიორგი გახარიას, “ერთიანი ნაციონალური მოძრაობა” საქართველოს პარლამენტის რეგლამენტის გათვალისწინებით, ინტერპელაციის წესით, გიორგი გახარიას იბარებს პარლამენტში. მას კონსტიტუცია ავალდებულებს, მობრძანდეს პარლამენტში და პირადად გასცეს იმ შეკიხვებს პასუხები, რომლებიც ჩვენ ჩამოვთვალეთ,” – თინა ბოკუჩავა.