ბოდბის ეპარქიის მთავარეპისკოპოსი, მეუფე იაკობი ქადაგების დროს მრევლთან საუბრობს საბჭოთა კავშირის დაშლის შემდეგ შექმნილ რეალობაზე და ასევე, საქართველოს კონსტიტუციაში ევროინტეგრაციის კურსის მხრივ გაკეთებულ ჩანაწერებთან დაკავშირებით, თავის პოზიციას აფიქსირებს:
“ბოლო წლებია, რამდენიმე წელია საქართველოს თუ ვაზიანებთ… მას შემდეგ, რაც საბჭოთა კავშირი დაიშალა და გამოვეყავით რუსეთის იმპერიას, ნახეთ რა იყო: პირველად იყო არჩეული პრეზიდენტი ჩამოაგდეს, კარგად ვიცით ხომ? ჩამოაგდეს და ძმათამკვლელი ომის სისხლი დღესაც მოგვყვება და რა დღეში ვართ – რამდენი რამე გამოვიარეთ, რამდენი ომი გამოვიარეთ, მაგის მერე. მაინც ვერ დავწყნარდით, ჭკუა მაინც ვერ ვისწავლეთ. რა გვინდა ბოლოს და ბოლოს? რა გვინდა, რისთვის ვიბრძვით?
ცოტა ხნის წინ იყო, 2020 წლის არჩევნებიდან, მანამდეც და მე მაშინაც ვამბობდი და მერეც, რომ არასწორი იყო კონსტიტუციაში ძალით რომ ჩაგაწერინებენ რამეს, უნდა ფიქრობდე, რომ წინ რაღაცა აქვთ – ნატო და ევროკავშირი ჩავწერეთ…
და რა მივიღეთ? 2020-ის თუ 2024 წლის არჩევნები იყო, იმ ადამიანებისთვის, რომლებსაც საქართველოსთვის სიკეთე გვინდა, გაძაღლებული გვაქვს ცხოვრება… შეხედეთ რა – ხან ვინ გვასწავლის ჭკუას, ხან ვინ რას… ვინც გვასწავლის, მას ხომ უნდა ჰქონდეს? უცხოელებზე არ ვიძახი ჩვენებზე ვამბობ…“, – აცხადებს მეუფე იაკობი.
