რუსთაველის გამზირზე მიმდინარე საპროტესტო აქციების ემოციურ შეფასებას ახდენს სამოქალაქო აქტივისტი, ქალთა უფლებების დამცველი, კავშირ “საფარის” ხელმძღვანელი ბაია პატარაია:
“ყველა შემდგარ და ნამდვილ რომანტიულ ურთიერთობას, მეგობრობას, წარმატებულ გუნდს დაშეკრულ საზოგადოებას აქვს საერთო მახასიათებელი ნიშანი – შინაგანი ზრდა.
როცა ამ ურთიერთობის, ამ ამბის ყველა მონაწილე საკუთარ თავს ზრდის და ერთმანეთს გვერდში უდგას ამ ზრდაში. სადაც ყველა ერთმანეთს აძლიერებს და ცოდნას უზიარებს.
თქვენ რა გგონიათ სიყვარული? მუცელში პეპლების გაფრთხიალება? არა. ეგ გავრცელებული მითია, სიყვარული ეგ არ არის.
ნამდვილი, ჭეშმარიტი სიყვარული გამოიწრთობა დროში და შრომაში, არმიტოვებაში, არდანებებაში, ათასჯერ დაცემასა და ათასჯერ წამოდგომაში. ვინ თქვა, რომ სიყვარული ადვილია? ვინ თქვა, რომ სამშობლოს სიყვარული უშრომელად და უწვალებლად მოდის, რომ გაზრდა არ სჭირდება?
რამდენიც არ უნდა ვაკრიტიკოთ და ვიდარდოთ, რუსთაველზე მდგომი ადამიანები ყოველდღიურად სწავლობენ ამ ბრძოლაში ყოფნას, ყოველდღიურად სწავლობენ ერთმანეთის სიყვარულს და მხარდაჭერას. ყოველდღიურად სწავლობენ, როგორ იყვნენ უფრო ჭკვიანები, პასუხისმგებლიანები – ისინი იზრდებიან ერთად, როგორც საზოგდოება. ისინი ერთმანეთისგან იღებენ ძალას, სწავლობენ გამძლეობას და სიყვარულს.
რუსთაველზე შლეგები კი არა – შეყვარებულები დგანან. რუსთაველზე ნესტანისთვის მებრძოლი ტარიელები და ავთანდილები დგანან.”, – წერს ბაია პატარაია ფეისბუქის პირეად გვერდზე.
